пред 3 години ВМРО-ДПМНЕ преку своите коалициски партнери-Алијанса и Алтернатива се обидува да ги закочи измените за недела неработен ден, изјави на прес-конференција, Жаклина Лазаревска, пратеничка на СДСМ.
Рече дека петседателот на Комисијата за труд и социјална политика од редовите на Алијанса-Алтернатива, Хусни Исмаили, упорно не закажува седница на чиј дневен ред се измените и дополнувањата на Законот за работни односи, со кои недела станува ден за одмор за сите работници.
Лазаревска потсети дека овие измени на сила треба да стапат на први октомври, и обвини дека денеска, на десет дена пред тоj датум, опозицијата во Собранието се обидува да ги спречи.
„Ништо не е сменето во ВМРО-ДПМНЕ, секогаш кога во Собранието треба да се носат закони кои се во корист на граѓаните, оваа партија на секој начин се обидува да ги блокира и закочи. Овој пат тоа очигледно го прави преку своите коалициски партнери“, рече Лазаревска.
Според неа, лицемерниот и неодговорен однос на ВМРО-ДПМНЕ кон граѓаните е одамна прочитан и препознаен, па затоа на изборите ги очекува пораз.
Би можело да ве интересира
Почина радио новинарот Марко Илковски
Затворен за сообраќај патот Куманово-Св.Николе
Регистрирани 26 нови случаи на коронавирус, нема починати лица
Запленет амфетамин и марихуана, приведени двајца дилери во Карпош
(Видео) За неносење маска казнети 443 граѓани
Хелсиншки комитет реагира на назначувањето нови директори во затворите
