пред 1 година 
Резултатите на владеењето на предавничката СДС и сецесионистите од ДУИ се крајно погубни во однос на државата и општата добробит. Корпоративната диктатура, која ја официјализираа со европско знаменце за да му се дозволи на Артан Груби да се богати, додека американскиот конзорциум „Бехтел и Енка“ ги експлоатира работниците со над 70 часа работа неделно, сега на вулгарен начин задира и во основните идентитетски обележја на државата – нарекувајќи го во оглас македонскиот јазик како „северномакедонски мајчин јазик“, реагираат од Левицата.
Според нив, Владата, која ја сочинуваат импотентните квислинзи од СДС и етнотрибалистичките сецесионисти од ДУИ, дозволува една корпорација да го надополнува проектот за редефинирање на државните идентитетски обележја.
„Во огласот за вработување за лице за работната позиција „водач за односи со јавноста“, од страна на контроверзниот американски конзорциум, „Бехтел и Енка“, јазикот наведен како официјален јазик на Република Македонија е тенденциозно наведен како „северномакедонски мајчин јазик“. Дополнително, во албанската верзија на истиот оглас македонскиот јазик е претставен како „мајчин јазик на Република Северна Македонија“, додека македонската верзија е последна, по англиската и албанската, што е флагрантно деградирање на македонскиот јазик“, се истакнува во соопштението на оваа партија.
Ваквата тендеција, како што велат, е директна последица на нелегитимниот преспански договор, за чии долгорочни последици Левицата алармира уште пред спроведувањето на неуспешниот референдум.
„Антимакедонската политика на предавничките СДС и ДУИ резултира со целосно редефинирање на антифаштичкиот македонски идентитет во натовски северномакедонски идентитет.
За ваквиот скандалозен оглас нема никаква реакција од страна на триото СДС-ДУИ-ДПМНЕ, најверојатно за да не го навредат „стратешкиот партнер“, кој го спроведува проектот за Коридорот 8. Изостанува реакција и од провладините активисти и организации кои силно убедуваа дека македонскиот јазик е зацементиран“, потенцираат во реакцијата.
Левицата, додават од таму, во својата Ппрограма се залага за поништување на т.н. преспански договор со Грција и на криминалните илегални уставни амандмани прозлезени од него поради непочитување на правото на самоопределување.
Текстот Левицата: Молк за скандалозниот оглас на „Бехтел и Енка“ е превземен од МАКФАКС.