пред 3 години ВМРО-ДПМНЕ во прв план ја има енергетиката и здравата животна средина. Во таа насока наш приоритет ќе биде да обезбедиме поевтина струја за сите, изјави Миле Лефков – пратеник од ВМРО-ДПМНЕ.
Образложи дека ВМРО-ДПМНЕ ќе го направи тоа на начин што ќе го продолжат животниот век на термоцентралите во РЕК Битола и РЕК Осломеј и ќе обезбедат работа за истите до 2040 година.
„Со тоа ќе го зголемиме производството на струја и ќе влијаеме на намалување на нејзината цена“, рече Лефков.
Како една од целите на партијата го издвои и планот општинските и градските власти да извршат бесплатен приклучок на гас до 50 отсто од домаќинствата за еден мандат.
„Достапноста до гасот како енергенс ќе ги исфрли тврдите и течните енергенси од употреба, како што се дрвата, мазутот и другите енергенси со кои се греат дел од домаќинствата, а кои во значителна мера влијаат на загаденоста на воздухот во зима“, рече Лефков.
Според опозициската партија, со ваква стратегија ќе се намали загаденоста на воздухот и до 50 проценти.
Би можело да ве интересира
Загина 24-годишен градежник од Кичево
Тешко повредени двајца пешаци на „Пластичарска“
Левица: Медицинските лица да се вработуваат според стручноста, а не според желбите на директорите
Саем на книга од 8 до 14 септември
Груби и Царовска договорија измени на учебникот по географија кој ја навреди албанската заедница
Чешка и Словачка ги блокираа заклучоците за проширување на ЕУ поради Бугарија
