Неделков: До овој момент нема договор – очекуваме потврда за работна средба попладне

Се поизвесно е продолжувањето на штрајкот на СОНК. Учениците и утре ќе останат дома, а училиштата празни.

На денешната прес-конференција претседателот на СОНК, Јаким Неделков истакна дека до овој момент немаат договор со ресорните министри.

Тие очекуваат потврда за работна средба во текот на попладневните часови.

Сепак Неделков истакна дека и доколку има средба, мали се изгледите дека може вечерва нешто да се случи за носење нова одлука и сѐ поизгледно е дека и утре продолжува штрајкот.

Тој додаде дека до крајот на денот јавноста ќе ја има точната информација дали штрајкот ќе продолжи и утре.