пред 4 години Основното јавно обвинителство Скопје поднесе обвинение против едно лице за разбојнички кражби во аптеки во Скопје.
Обвинетиот 38-годишен скопјанец, на 10 септември, влегол во аптека на улица „Васил Главинов“ во Скопје и на вработената ѝ се заканил со нож, барајќи да му ги даде парите од дневниот промет. Потоа се упатил кај касата, украл 4.430 денари и побегнал.
На 14 септември, пак, на истиот начин, украл 16.150 денари од аптека на булеварот „Св. Климент Охридски“. Потоа се обидел да го украде и мобилниот телефон на вработената, која се спротивставила и го турнала.
Обвинетиот дел од парите од дневниот промет ги извадил од металната каса на аптеката, а дел од картонска кутија во магацинскиот дел на аптеката, а потоа избегал.
Надлежниот јавен обвинител до Основниот кривичен суд Скопје достави и предлог за продолжување на претходно определената мерка притвор за обвинетото лице, бидејќи постои опасност од бегство, како и можност тој да влијае врз сведоците/оштетените или да го повтори делото кое му се става на товар.
Би можело да ве интересира
СДСМ: Прекинот на наставата е на штета на децата, СОНК да се врати на дијалогот
Арсовска на средба со Здружението на лица со телесен инвалидитет „Мобилност Скопје“
МНР купи електрични тротинети за вработените, набавката била дел од проектот „Зелена дипломатија – новото нормално“
Изградбата на бул. Босна и Херцеговина влегува во завршна фаза
Таксист од Скопје фатен со дрога во Куманово
Отворен Дом на културата во Драчево
