Објавена е конечната листа на примени ученици во Средното полициско училиште „7-ми Мај“

Министерството за внатрешни работи ја објави конечната ранг-листа на примени ученици во Средното полициско училиште „7-ми Мај“.

„Ги известуваме учениците кои се примени согласно објавената ранг листа на примени ученици во Средното полициско училиште „7-ми Мај“ на 01 септември 2026 година во 10.00 часот да бидат присутни во Полициската академија на МВР во Идризово заедно со еден родител/старател/законски застапник по закон со документ за идентификација, за потпишување на Договор за школување“, соопшти МВР.

Во Полициската академија учениците ќе престојуваат до 04 септември 2026 година до 15.00 часот. Поради интернатско сместување на учениците, истите е потребно да си понесат облека, спортска облека, средства за лична хигиена и други лични средства, но не и вредни лични предмети.

Примените ученици е потребно да се отпишат од средното училиште каде биле редовни ученици, како и да побараат да бидат отпишани од ЕМИС ЕСАРУ системот за е-дневник.

Ранл листата на примени кандидати е официјално објавена и во Средното полициско училиште.

Текстот Објавена е конечната листа на примени ученици во Средното полициско училиште „7-ми Мај“ е превземен од МАКФАКС.