пред 3 години Министерот за надворешни работи, Бујар Османи, учествуваше на основачкиот Самит на Кримската платформа, што се одржа во Киев, Украина. На настанот беа претставени повеќе од четириесет земји на високо и највисоко ниво, меѓу кои голем број земји членки на ЕУ и НАТО, како и високи претставници на меѓународни организации.
Министерот Османи во своето обраќање ја реафирмираше недвосмислената поддршка на Република Северна Македонија за суверенитетот, територијалниот интегритет и неповредливоста на границите на Украина, подвлекувајќи ја важноста од заштита на човековите права и меѓународното хуманитарно право.
„ Република Северна Македонија го поздравува одржувањето на Самитот за Кримската платформа иницирана како меѓународен координативен механизам за повторно разгледување на прашањето за Крим, со нагласување на суверенитетот и територијалниот интегритет на Украина, потпирајќи се на нормите на меѓународното право, резолуциите на Генералното собрание на ОН и одлуките на другите меѓународни организации” истакна Османи.
Во рамки на настанот, беше усвоена Заедничка декларацијата на учесниците на меѓународната платформа за Крим, на која се придружи и Република Северна Македонија.
Би можело да ве интересира
Влада: Со одговорен пристап стабилно менаџирање на кризата
(Видео) Прилеп ја одбележа градската слава Свeти Никола
Во полиција пријавил дека неговиот пријател се обидел да го ограби
Тројца македонски туристи денеска се удавиле во Албанија
Членовите на македонската репрезентација ќе добијат по 10.000 евра, одлучи Владата
Утре автобусите ќе возат по неделен возен ред
