пред 4 години Министерот за надворешни работи, Бујар Османи на утре и задутре ќе учествува на редовниот состанокот на Северно-aтлантскиот Совет на НАТО на ниво на министри за надворешни работи, што заради рестрикциите наметнати од пандемијата ќе се одржи преку видео врска.
Согласно дневниот ред, предвидено е на состанокот министрите за надворешни работи на земјите-членки да дискутираат за приоритетни прашања на НАТО, како и актуелни предизвици со кои се соочува: состојбите во Авганистан, влијанието на глобалните геостратешки односи врз безбедноста на евро-атлантската област, како и пошироката регионална стабилност.
Министрите ќе го разгледаат и Извештајот насловен „НАТО 2030“ што ги рефлектира стратешките потреби и предизвици за Алијансата во наредната декада, а предвидено е да бидат одобрени и неколку одлуки во врска со темите што се предмет на дискусија во рамки на НАТО.
Во рамките на состанокот, Османи ќе се обрати на првата работна сесија, што ќе биде негов прв настап на Северно-атлантскиот Совет од стапувањето на должноста Министер за надворешни работи.
Би можело да ве интересира
Косана Мазнева е нов директор на Комунална Хигиена
(Видео) Заев: Муцунски и Арсовска ги слушаат само наредбите на Мицкоски, а тој не знае кај тера
Се расчистуваат четири депонии во Бутел
(Видео)Милошоски: ВМРО-ДПМНЕ е на блокадите затоа што Заев тајно преговара на сметка на интересите на државата
Три девојки тешко повредени во сообраќајка, со возило излетале од патот
Ковид-19 го прележале над 17 илјади лица во земјава
