пред 10 месеци Претседателот Стево Пендаровски, во рамки на работната посета на Република Косово, денеска во Приштина оствари средба со косовскиот премиер Албин Курти.
На средбата се разговараше за севкупната соработка меѓу двете држави, при што беше оценето дека двете држави одржуваат позитивни и конструктивни билатерални односи и соработка, со отворен дијалог на сите нивоа и беше изразен интерес за нејзино унапредување во сите сфери од заемен интерес.
На средбата беа разменети мислења и информации за актуелните состојби во регионот, вклучувајќи го дијалогот Белград – Приштина. Во тој контекст, претседателот Пендаровски истакна дека во услови на мултиплицирани кризи и безбедносни предизвици на глобално ниво, од голема важност за стабилноста на Западен Балкан е изнаоѓањето на решенија на отворените прашања преку дијалог и меѓусебно разбирање.
Пендаровски ја реафирмираше поддршката за евро-атлантските аспирации на Косово, посочувајќи дека како членка на НАТО, Северна Македонија ја поддржува политиката на отворени врати на Алијансата и дава активен придонес во поддршката на мирот во Косово преку учеството во мисијата КФОР.
Текстот Пендаровски-Курти: За Балканот е важно отворените прашања да се решаваат низ дијалог е превземен од МАКФАКС.
Би можело да ве интересира
Османи: Музејот во Сопот не е на УЧК, туку одбележува настан од 1944 година, Ахмети беше гостин
Патнички воз удрил во автомобил кај Прилеп
Владата ја продолжи забраната за извоз на пченица, јачмен, пченка и сончогледовите масла и семиња
„Врба“ на Манчевски го отвора Филмскиот фестивал во Кјото, Јапонија
Утре центарот на Скопје блокиран, ќе се прави генерална проба за настанот „30 години независност“
Заев во Пробиштип: Се зголемува производството за извоз, пред нас е фаза на економски раст
