„Плати ги автомобилските делови, па ќе ти ги вратам парите“ – измамник оштетил двајца скопјани за суми од 15 и 16 илјади денари

Давјца скопјани во полицијата пријавиле слична измама, пришто едниот бил оштетен за 15, а вториот за 16 илјади денари.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

Првиот случај во МВР бил пријавен од страна на 37-годишен жител на скопско село.

Според пријавеното, непознатото лице му се јавило претходно и се претставило дека е од Тетово и побарало од него да се најдат да договорат транспорт на вештачка трева. Подоцна, како што е пријавено, лицето повторно му се јавило и побарало од него после наплатната станица Глумово од едно лице да земе и да плати автомобилски делови, а кога ќе пристигне во Тетово ќе му ги врати парите, информираат од МВР.

Измамникот не се појавил на договореното место во Тетово, по што скопјанецот сфатил дека е измамен.

Во вториот случај, на сличен начин измамен бил 44-годишен скопјанец за сума од 16.000 денари.

Според пријавеното, околу 09.45 лицето му се јавило и се претставило дека е од Тетово и се договориле да му изврши транспорт на разни материјали до Бугарија за одредена сума на пари. Како што е пријавено, подоцна лицето повторно му се јавило и побарало после наплатната станица Глумово од едно лице да земе и плати автомобилски дел, а кога ќе пристигне во Тетово ќе му ги врател парите. Исто така, според пријавеното, откако го зел делот неколку пати се обидел телефонски да го добие лицето, но тој не се јавувал, по што сфатил дека е измамен.

Од МВР велат дека ее преземаат мерки за расчистување и на двата случаи.