Предлог-законот за помилување денеска на седница на Собранието

Предлог законот за помилување денеска ќе се најде на седница на Собранието.

Од Министерството за правда велат дека со новиот Закон за помилување кој е предложен од нив, претседателот на државата може да даде помилување само за казна, а не и за кривично гонење на определени лица.

„При изготвувањето на законот беа разгледани повеќе компаративни искуства како што се решенијата содржани во правните системи во државите членки на Европската унија и од оние држави со кои имаме слични правни системи. Причините за донесување на Законот за помилување, произлегуваат од недостатоците и правните празнини во постојниот закон кои беа лоцирани во неговата практична примена, како и од потребата за попрецизно нормирање на одредени прашања регулирани со Предлогот. Она што е важно е што во него има прецизни рокови и докрај се прецизаат ингеренциите на сите засегнати страни кои учествуваат во процесот.

Меѓу другото, се врши и терминолошко усогласување на одделни називи и поими, oдносно, со овој Предлог на закон за помилување се уредуваат поимот и видовите на помилување, дејството на помилувањето, лицата овластени за поднесување молба за помилување, како и постапката и актите на надлежните органи во врска со помилувањето“, велат од Министерството за правда.

Текстот Предлог-законот за помилување денеска на седница на Собранието е превземен од МАКФАКС.