Прилепчанец починал зад воланот и предизвикал сообраќајна незгода

Во попладневните часови на 23 април, во полициската станица Прилеп било пријавено дека на улицата „Јоска Јорданоски“, автомобил „мицубуши колт“, управуван од 60-годишниот П.Н. од Прилеп, удрил во автомобил „фолксваген голф“, управуван од Г.Ш. од Прилеп.

Од екипата на итната медицинска помош била констатирана природна смрт кај возачот П.Н., кој според пријавеното, имал здравствени проблеми.

Во незгодата кај двете возила била причинета материјална штета.

Увид на местото извршиле екипа од прилепската полиција и Јавен обвинител, по чија наредба телото на починатиот било предадено на семејството.