Пронајдени оружје и муниција, при претрес во Прилеп

Денеска полициски службеници од Надворешната канцеларија за криминалистички работи од ОВР Прилеп, по добиена судска наредба извршија претрес во дом и други простории во с.Житоше кај И.А.(43).

При претресот се пронајдени и одземени еден пиштол „Роси“ калибар 22 мм, пет куршуми 22 мм, 12 куршуми калибар 7,62 х 25 мм, еден сигнален пиштол и една рамка за пиштол „црвена застава“ М-57, за кои не поседувал дозвола, соопшти полицијата.

По документирање на случајот против И.А. ќе биде поднесена кривична пријава за „недозволено изработување, држење и тргување со оружје или распрскувачки материјали” по чл.396 од Кривичниот законик, информира МВР.