пред 2 години Професор д-р Леонид Наков упати демант на соопштението на ВМРО ДПМНЕ.
Демантот го објавуваме во целост:
„Со големо изненадување и неверување го прочитав денешното Соопштение од ВМРО ДПМНЕ, објавено во медиумите, а кое содржи редица на невистини, со цел обид за дисквалификација, упатени кон мене, поради што се одлучив да ја запознаам целокупната јавност со објективната и реална фактичка состојба.
Имено, мојот ко-авторски труд The Impact of Organizational Changes on Increasing SMEs Competitiveness претставува оригинално методолошко-емпириско истражување, кои се потпира врз изворни податоци, анализи и модели, кои се обезбедени и подготвени од страна на самите автори.
Оттука, во ниту еден случај не може да стане збор за плагијат, со што, сите објавени обвинувања во Соопштението се апсолутна невистина. Ова не е ништо друго освен неуспешен обид за неосновано нанесување штета кон мојата личност и углед.
Впрочем, сите мои домашни и меѓународни експертски позиции претставуваат најдобриот одговор за мојот личен и професионален интегритет, углед и препознатливост“, се наведува во демантот на проф. д-р Леонид Наков.
Би можело да ве интересира
Протестираат вработените во правосудството
„Гледајте утнете и да се убијам“, гласи порака на Рашковски до фирмата од која Владата го набави неговиот софтвер
Маричиќ: Се надевам дека Франција ќе ја промени динамиката за приближување кон ЕУ
123 возачи казнети за брзо возење во Скопје
На Клиниката за детски болести нема да се хоспитализираат возрасни пациенти со Ковид-19
Обвинителство: Првите индиции дека Мијалков се подготвува за бегство се од саботата
