СДСМ: Британската телевизија ГНБ го потврди договорот за мигранти со Македонија

СДСМ денеска во соопштение реагираше на новите информации од британската телевизија Great Britain News (GBN), која, како што велат, го потврдува договорот за стационирање мигранти во Северна Македонија.

Во соопштението се цитира изјава пренесена од GBN, во која Бери Гардинер вели:

„Ние не можеме да ги држиме овде, велиме не можете да останете во Обединетото Кралство, но не можеме ниту да ги вратиме од каде што се дојдени. Затоа им велиме дека ќе бидат стационирани во Северна Македонија, каде што ќе можат да работат, каде што има потреба од работна сила и да изградат живот таму. Тоа не е скапо за нас, поскапо е да ги оставиме овде“.

Во соопштението, партијата оценува дека овие информации претставуваат „уште еден потоп за сите лаги од кујните на ВМРО-ДПМНЕ“ и го повикува лидерот на ВМРО-ДПМНЕ, Христијан Мицкоски, да се изјасни за Резолуцијата против мигранти со прашањето: „До кога Мицкоски ќе бега од одговор за Резолуцијата против мигранти? Нека каже дали ќе ја поддржи, да или не?“.

Текстот СДСМ: Британската телевизија ГНБ го потврди договорот за мигранти со Македонија е превземен од МАКФАКС.