пред 3 години Во паника од нарушениот рејтинг на нивните градоначалници и во обид да го прикријат нивното неработење, ВМРО-ДПМНЕ секојдневно пласира измислици и лажни вести, реагираат од владејачкиот СДСМ.
Според нив, тaква била и денешната прес-конференција околу инсталирањето на соларни системи на објекти на Министерството за внатрешни работи.
„Како што објави и МВР и во двете спроведени постапки за конкретната набавка, критериумите биле исти односно се барале минималните услови за докажување на способност од Законот за јавни набавки и не постоел ниту еден дополнителен критериум. За двете спроведени постапки не било поставено ниту едно прашање пред јавното отворање, ниту пак е поднесена жалба за тендерската документација или жалба на одлуката за поништување на првата односно избор во втората постапка“, појаснуваат во писмената реакција од СДСМ.
Ништо ново од белиот дворец, додаваат од СДСМ според кои, наместо да го поздрави чинот на еколошка трансформација на објекти на МВР, ВМРО-ДПМНЕ продолжува да го прави она што единствено го знае – да ја манипулира јавноста.