пред 3 години Антидржавната и антинародната ВМРО-ДПМНЕ на својата листа порази додаде уште еден – неуспешната интерпелација за заменик претседателот на Владата задолжен за европски прашања Никола Димитров, велат од СДСМ преку соопштение.
„Но, со неа потона уште една лага на ВМРО-ДПМНЕ за наводно создавање на ново парламентарно мнозинство. Тие едвај успеаја да соберат 53 пратеници за интерпелацијата на Димитров.
Како што им пропадна интерпелацијата за Димитров, ќе пропаднат интерпелациите за вицепремиерот Љупчо Николовски и министерот за правда Бојан Маричиќ.
Ни самите пратеници на ВМРО-ДПМНЕ не веруваат во тие интерпелации затоа што потпишани се само 14 пратеници од пратеничката група, а меѓу нив не ниту Гордана Силјановска Давкова која ги најави интерпелациите.
Наместо да биде конструктивна и да работи во интерес на граѓаните, ВМРО-ДПМНЕ преку неосновани интерпелации ја опструира работата на Собранието.
Граѓаните на шест последователни изборни соочувања се изјаснија дека им е доста од деструкциите и неодговорното однесување на ВМРО-ДПМНЕ и затоа партијата од Белата палата, симболот на криминалот и корупцијата, уште долго ќе си остане во опозиција“, наведе СДСМ во соопштението.
Би можело да ве интересира
Тупанчески: На бизнисот му се потребни стабилно деловно опкружување и независно судство
Аеродром добива нов парк од 5.700 м2
111 сообраќајни прекршоци во Скопје
Ќе се истражува и компанијата која ги одобрила А-тестовите за болницата, увери Филипче
Советничка група на ВМРО-ДПМНЕ: Економијата е во рецесија, а Шилегов вработува 135 партиски војници
(Видео) Шахпаска: Нулта толеранција за насилство врз жените и семејното насилство, очекуваме поддршка и од пратениците
