Сончево време, од среда дожд

Наутро ќе биде студено, преку денот сончево со мала до умерена локална облачност. Ќе дува слаб ветер од јужен правец. Минималната температура ќе биде во интервал од 0 до 9, а максималната ќе достигне од 20 до 25 степени.

Во Скопје сончево со мала до умерена облачност. Минималната температура ќе се спушти до 5, а максималната ќе достигне 24 степени.

До вторник ќе се задржи претежно сончево време со студени утра и пораст на дневната температура. Од среда следува период на претежно облачно и значително посвежо време со локални врнежи од дожд.