Срамно, oткако Мицкоски си ги зголеми платите во Влада, вели дека нема да се покачуваат, реагираат од СДСМ

Oткако си ја покачи неговата функционерска плата, заедно со платите на министрите кои после еден месец се пожалија дека не смее да им се намали платата, сега Мицкоски кажува приказни, реагираат од СДСМ.

„Нема да се зголемат платите на функционерите откако се зголемија платите на функционерите – вака звучи Мицкоски кој до пред неколку месеци ветуваше нешто друго дека како власт ДПМНЕ ќе ги намали платите на функционерите.
Тоа ветување Мицкоски не го исполни“, се истакнува во реакцијата на опозициската партија.

Според СДСМ, додека Владата на Мицкоски не прифаќа ниту еден амандман за поголеми плати за работниците, за полицајците, за пожарникарите, одбива да ја зголеми минималната плата, во исто време ги зголемува парите за мебел и нови возила за функционерите.

„Според Мицкоски сите треба да работат за минимум, но функционерите од власта и министрите да имаат огромни плати, да уживаат во нивните примања и да патуваат со бизнис класи на грбот на граѓаните. Ваков арогантен однос кон граѓаните досега не покажала ниту влада како оваа на Мицкоски и ДПМНЕ“, додаваат од СДСМ во пишаниот допис.

Текстот Срамно, oткако Мицкоски си ги зголеми платите во Влада, вели дека нема да се покачуваат, реагираат од СДСМ е превземен од МАКФАКС.