Стоилковски: УЈП да одговори кои се фирмите блиски до власта, каде што завршиле парите?

Добро е што УЈП признава дека имало криминал со поврат на ДДВ, со кој се испумпуваат пари од државната каса, но страшното е што ова го признаа дури откако беше обелоденето од страна на ВМРО-ДПМНЕ, вели Наум Стоилковски, портпарол на ВМРО-ДПМНЕ, одговарајќи на новинарско прашање во врска со нафтените компании и нивната разработена шема за измами и за испумпување пари од државниот буџет по основ на поврат на ДДВ за што прв информира претседателот Христијан Мицкоски и за што денеска брифира и директорката Управата за јавни приходи, Сања Лукаревска.

И она што е важно прашање, вели Стоилковски, до кога објавување криминал или за криминални случувања поврзани со власта се вели дека е тоа загрозување на истрагата?

„Да потсетам дека истото тоа се случи, односно по објавување криминал и со обвинувања за прекршување, односно нарушување на истрагата, власта настапи од случајот за модуларната, преку пасоши за мафијаши, па понатаму за Онкологија и редица други криминали во кои е вмешана и одговорна власта. Вистинското прашање што треба да го одговори УЈП е кои се тие фирми што се блиски СДС и до ДУИ, односно до власта, каде што завршиле овие пари? Сè друго е замајување на јавноста“, рече Стоилковски.

Текстот Стоилковски: УЈП да одговори кои се фирмите блиски до власта, каде што завршиле парите? е превземен од МАКФАКС.