пред 5 месеци 
„Се работи на проширување на програмата „Мој термин“ или евентуално нова дигитализација“, рече министерот за здравство Арбен Таравари денеска.
„Ќе видиме која ќе биде дефинитивната одлука. На Македонија дефинитивно ѝ треба сите здравствени установи да бидат во еден ист систем. Значи, приватни и јавни здравствени установи, но и фармации и сите други институции што се поврзани со здравството. Тука мислам и на ФЗОМ. Ќе ги разгледаме најдобрите можни опции“, одговори денеска Таравари на новинарско прашање.
Министерот рече дека се надева дека до крајот на годината барем половина од околу две илјади и нешто вработени со договор на дело во јавното здравство да добијат решенија.
Таравари, исто така, нагласи дека, каде и да оди, во сите градови во сите болници, првата и најголемата жалба од сите раководители на здравствените јавни институции, е, недостаток на средномедицински кадар, меѓутоа и на доктори, посебно по одредени специјализации.
Текстот Таравари најави проширување или нова дигитализација на „Мој термин“ е превземен од МАКФАКС.