Тинејџер избоден со нож во обложувалница во Аеродром

Од службата за Итна медицинска помош, вчера околу 23 часот во полиција пријавиле дека 18-годишен скопјанец со иницијали Д.У. доживеал тешки повреди од напад со остар предмет, кој се случил во спортска обложувалница на подрачјето на Аеродром.

На 18-годишникот му била укажана лекарска помош во Комплексот клиники „Мајка Тереза”.

По преземени мерки, полицијата утврдила дека сторител на делото е 17-годишник од Скопје.

Се преземаат мерки за расчистување на случајот, по што ќе биде поднесена и соодветна пријава.