Угостителските услуги поскапеле за 0,5 отсто во ноември, најмногу во делот за храна

Според податоците на Државниот завод за статистика, индексот на цените на угостителските услуги во ноември годинава, во споредба со еден месец претходно, е зголемен за 0,5  проценти.

Споредено по групи на услуги, зголемување е забележано во групата храна за 0,7 проценти, безалкохолни пијалаци за 0,2 отсто и ноќевања за 0,2 проценти.

Индексот на цените на угостителските услуги во ноември 2021 година, во однос на истиот месец од претходната година, е зголемен за 1,2 отсто.

Кумулативниот индекс на цените на угостителските услуги за периодот јануари – ноември 2021 година, во однос на истиот период од минатата година, е зголемен за 0,5 отсто, додека во однос на декември 2020 година е зголемен за 0,3 проценти.