пред 2 часа Со навремена и брза реакција на пожарникарите, попладнево се спречи проширување на активниот пожар кој започна во месноста наречена Трите дола, објави градоначалникот на Велес, Марко Колев.
„Пожарот кој зафати неколку викендици и стари куќи, дел од лозови и други насади и пчелни сандаци е ставен под контрола, но поради непристапноста на теренот и силниот ветер сè уште не е изгасен“, објави Колев.
Тој упати благодарност до пожарникарите и упати апел до граѓаните за поголема внимателност и грижа.
„Искрено жалам за настанатата штета и упатувам благодарност до ТППЕ Велес кои со 16 пожарникари вршеа професионална интервенција, до општествено одговорната компанија Уни Агро кои со механизација придонесоа во акцијата и до сите кои се вклучија во гаснење и локализирање на пожарот. Изминативе денови сме сведоци на многу пожари, поради што апелираме на посебно внимание и грижа за околината“, напиша Колев.
Текстот (Фото/Видео) Пожарот во Велес зафати куќи и викендици, силниот ветер го отежнува гаснењето е превземен од МАКФАКС.
Би можело да ве интересира
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
Без струја делови од општините Илинден, Чучер Сандево и Ѓорче Петров
Измените на изборните правила се брутален напад врз демократијата, смета Демократскиот сојуз
Подготовките за пописот се интензивираат
Премиерот Зaев денеска ќе се вакцинира
Приведени две лица од Врапчишта, затворен угостителски објект
