пред 2 часа Пожарникарите спасија лица заглавени во автомобил по излевањето на Пчиња кај бањата „Стрновац“ во општина Старо Нагоричане.
„На 19.11.2025 година, во 7.35 часот, по повик од 112 дека има заглавени две лица до бањата во с. Стрновац, општина Старо Нагоричане, поради излевање на реката Пчиња, ТППЕ Старо Нагоричане интервенира со едно возило и двајца пожарникари“, објави Територијалната противпожарна единица.
Од таму апелираат граѓаните на општина Старо Нагоричане да избегнуваат движења и секакви активности по течението на реката Пчиња во општина Старо Нагоричане, а доколку се здогледа лице во опасност поради временските услови, да се јават на телефонските броеви: 031 495 666 или на 112 и на 193.
ЦУК – Куманово, пак, извести дека е добиена информација оти на подрачјето на село Пелинце, во близина на Меморијалниот центар АСНОМ, како и на локацијата кај бањата „Стрновац“, реката Пчиња се има излеано од своето речно корито за 20-ина сантиметри.
Во моментот излевањето не зафаќа куќи или викендици.
Дополнително, кај Коински мост е забележано насобирање поголема количина дрвја, што го отежнува нормалниот проток на реката Пчиња. За состојбата е навремено известено „Водостопанство“ – Куманово, кое ќе постапи во согласност со своите надлежности.
Текстот (Фото) Пожарникарите спасија лица заглавени во автомобил по излевањето на Пчиња е превземен од МАКФАКС.
Би можело да ве интересира
Без струја делови од општините Илинден, Чучер Сандево и Ѓорче Петров
Единствен број за пријавување опасности ќе биде 112
Измените на изборните правила се брутален напад врз демократијата, смета Демократскиот сојуз
Подготовките за пописот се интензивираат
Премиерот Зaев денеска ќе се вакцинира
Приведени две лица од Врапчишта, затворен угостителски објект
