пред 4 години Скопското основно јавно обвинителство поднесе обвинение против 24-годишник од Скопје кој се товари за две кривични дела – неовластено држење на оружје, како и за предизвикување општа опасност.
Како што информираат од обвинителството, обвинетиот на 2 ноември минатата година, неовластено држел автоматски пиштол марка ЦЗ ВЗ61 Шкорпион, како и 10 куршуми за тој пиштол со калибар 7,65 милиметри.
На критичниот ден, на улица „Цветан Димов“ во скопски Чаир, тој забележал едно лице и испукал неколку куршуми кон него, со што со умисла презел општо опасно дејствие и го загрозил животот на оштетениот. Во настанот биле оштетени три паркирани возила.
Бидејќи постојат околности кои упатуваат на опасност од бегство и можност обвинетиот да го повтори делото, надлежниот јавен обвинител до Основниот кривичен суд Скопје доставил предлог за продолжување на претходно определениот притвор.
Би можело да ве интересира
Кривична за возачот на Бесими и Бектеши – поминал на црвено и удрил во двете возила
(Видео)Арсовски: ФИТР нека да го поддржат стопанството и младите научници
Ангелов најави акциски план за справување со пожарите
Отфрлени кривичните пријави за КУБУС
Царовскa: Реформските процеси ги продолжуваме со поддршка на меѓународните партнери
Активни над 6.000 случаи со коронавирус, болниците се полнат
