пред 4 години Мобилната единица за безбедност во сообраќајот при Министерството за внатрешни работи вчера (23.01.2021) спроведе засилена акциска контрола во областа на сообраќајот на автопатот Скопје-Тетово, при што санкционирани се 88 возачи кои возеле со брзина поголема од дозволената, соопшти денеска портпаролот на МВР Тони Ангеловски на прес конференција во Тетово.
„ Засилените контроли продолжуваат и денеска и во наредните денови и евидентно е дека имаме намалување на бројот на сообраќајни незгоди во периодот кога овие контроли се спроведуваат. Во ноември 2020 споредено со ноември 2019 имавме намалување од 21 отсто, а кога ќе ги споредиме декември 2020 со декември 2019 имаме намалување од 23 отсто на бројот на сообраќајни незгоди. Како резултат на преземените активности, 2020 година е со најниска бројка на жртви во сообраќајот во историјата на државата. Засилените сообраќајни контроли продолжуваат и во наредните денови. Апелираме граѓаните да ги почитуваат сообраќајните правила и прописи за да ја зголемиме безбедноста во сообраќајот“, рече Ангеловски.
Би можело да ве интересира
(Видео) Министерката за култура ги претстави резултатите од годишните конкурси за финансирање на проекти
35 починати лица, регистрирани 2000 новозаразени од Ковид-19
Истрага за автобуската несреќа: Првично сомневање е дека пожарот настанал по удар во банкина
На Заев и Ципрас им е врачена Меѓународната награда за мир
(Видео) Пронајдено оружје во Блаце, кое потекнува од 2001 година
Водици, 19 јануари, неработен ден за граѓаните од православна вероисповед
