пред 3 години Гостиварското основно јавно обвинителство Гостивар донесе наредба за истрага против три лица, двајца македонски и еден албански државјанин, осомничени за кривично дело – неовластено производство и пуштање во промет наркотични дроги.
Како што информираат од обвинителството, осомничениот 38-годишен државјанин во Република Албанија набавил поголемо количество марихуана, ја внел во Македонија и ја скрил во стан во Гостивар.
На 6 август двајцата осомничени жители на Скопје, на возраст од 28 и 32 години, како соизвршители договориле купување на 1.990 грама марихуана од Албанецот, со цел потоа истата да ја препродадат на свои клиенти.
Притоа договориле на првоосомничениот да му исплатат сума од 2.500 евра.
При обид да ја извршат размената биле забележани од полицајци, дрогата им била пронајдена и одземена, а тие биле лишени од слобода. При претрес во станот во Гостивар во кој престојувал албанскиот државјанин биле пронајдени уште 31.880 грама марихуана.
Надлежниот јавен обвинител до Основниот суд во Гостивар доставил предлог за определување притвор за тројцата осомничени за кои постои опасност да се дадат во бегство, да влијаат врз сведоци, да ги прикријат трагите за кривичното дело, како и да го повторат делото.
Би можело да ве интересира
Средба Маричиќ-Вархеји: Стабилноста на Балканот може да биде жртва на бугарската блокада
Приведен криумчар на мигранти во радовишко
Во Македонија 702 нови случаи на коронавирус, 24 лица починаа
Доделени картичките за „зелена нафта, први ги добија земјоделците од Штип, Велес и Свети Николе
Најмладиот пациент кој денеска почина од Ковид-19 имал две хронични заболувања
Предлогот за прогласување на дел од Водно за заштитен предел достапен за увид и коментари
