пред 4 години Денеска пратениците од парламентарното мнозинство кои се позитивни на коронавирус, со сета заштитна опрема и според протоколите на Комисијата за заразни болести се тука со нас за да обезбедиме кворум и потребно мнозинство за Собранието да работи фунцкионално и ефикасно, изјави координаторот на пратеничката група на СДСМ, Јован Митрески.
„ Нема да дозволиме уцени, наша должност како пратеници е да служиме на народот и во добро и во лошо. Опозицијата направи непромислени чекори против сопствениот народ и затоа со нив или без нив денес владеачкото мнозинство ќе ја изгласа помошта за граѓаните. Една милијарда и 920 милиони денари поддршка за плати за месеците февруари и март 2021 година од утре ќе почнат да стигаат кај граѓаните, на голема жалост за опозицијата“ рече Митрески.
Тој нагласи дека помошта ја обезбедиле, сега и ќе ја испорачаат.
„ На денешната седница ќе ги усвоиме законите кои обезбедуваат финансиска помош за илјадници граѓани и компании. Законите кои ВМРО-ДПМНЕ и опозицијата со месеци свесно и намерно ги блокираа. Граѓаните, компаниите, ниту час повеќе не смеат да останат без помошта што им следува“ истакна Митрески.
Би можело да ве интересира
144 санкционирани возачи во Скопје, 19 возачи на мотоцикл
СДСМ: Мицкоски нема кандидати за градоначалници, никој не се кандидира за губитничка партија
Жителите на Дебар и околината добија струја
Затвореник фатен со кокаин во Штип
Рекордна продажба на мемоарите на Барак Обама
Сообраќајна расправија завршила со закани со пиштол
