пред 3 години ВМРО-ДПМНЕ продолжува да обединува и да ја води Македонија во насока на национално единство и просперитет, велат од опозициската партија, откако од СДСМ вчера порачаа дека ќе ја прифатат резолуцијата за македонските идентитетски линии.
„Резолуцијата која ја предложивме, а е плод на заедничките ставови на МАНУ, УКИМ и МПЦ – ОА ќе ги заштити националните црвени линии, околу кои не смее да има компромиси“, велат од ВМРО-ДПМНЕ од каде додаваат и дека станува збор за документ кој го отсликува ставот на народот.
Во партиската реакција се наведува дека позитивно е што голем број парламентарни партии се подготвени да ја поддржат резолуцијата, при што се посочува дека на тој начин ќе се изгради национален став и стратегија.
„Македонскиот јазик, идентитет и историја и национална посебност не смеат да бидат дел од никакви преговори. Се надеваме дека СДСМ ќе останат доследни на вчера кажаното и ќе ја поддржат резолуцијата, без низ собраниски процедури да се обидуваат да ја закочат и опструираат“, нагласуваат од ВМРО-ДПМНЕ.
Би можело да ве интересира
Пресуда за „Талир 2“: Груевски доби шест години затвор, Божиновски условна казна, сe бара и заплена на партискиот имот
Газда на локал во Гостивар подведувал македонски и странски државјанки на проституција
243 возачи казнети за брзо возење на територијата на државата
Мицкоски во Неготино: Заев се вози во БМВ од 100.000 евра, а народот го пикаат во болници кои горат за две минути
Заев: 450 компании се подготвени веднаш да обезбедат пракса за средношколците од стручните училишта
Приведен скопјанец баран како сторител на убиство
