ВМРО-ДПМНЕ одговори на обвинувањата од СДСМ за мерки против скапотијата: Филипче нека не се грижи за граѓаните

По обвинувањата од СДСМ дека Владата ги оставила граѓаните да го дочекаат Велигден без мерки против скапотијата, ВМРО-ДПМНЕ, исто така преку соопштение, потсети кои мерки ги презеле.

„Се јавија од СДС, поточно раководството предводено од чуварот на фотелјата во партијата Венко Филипче, загрижени за граѓаните и нивниот стандардот.
Еве ќе ги потсетиме кратко што се презема по случувањата на Блискиот Исток. Тоа е мерката за намалување на ДДВ за нафтените деривати од 18 на 10 проценти, потоа одлуки за нивелирање на акцизите за дизел горивата и бензините.
Дополнително, континуирано се следи ситуацијата на енергетските пазари и се прават анализи со цел да се предвидат движењата на цените на горивата. Согласно последните пресметки откако вчера берзите затворија  направена е пресметка и се очекува да се донесе одлука за намалување на дизел горивата, односно на бензините.
Оттука, мекото ткиво на македонската идентитетска политика олицетворено во Филипче нека не се грижи за граѓаните и за државата воопшто.
Сега Филипче има друга работа пред себе, а тоа е да си ги консолидира редовите во СДС“, стои во соопштението од ВМРО-ДПМНЕ.

Текстот ВМРО-ДПМНЕ одговори на обвинувањата од СДСМ за мерки против скапотијата: Филипче нека не се грижи за граѓаните е превземен од МАКФАКС.