пред 2 часа ВМРО-ДПМНЕ обвини дека СДСМ, поради, како што наведуваат, сервилни и поданички политики, доживеала сериозен пад на поддршката и се свела на околу 130 илјади гласа.
Од партијата тврдат дека СДСМ и во време кога била на власт, но и сега од опозиција, продолжува да спроведува антидржавна политика, под влијание на Венко Филипче, Зоран Заев и нивниот, како што велат, советник Зоран Башановиќ.
„Поданичкиот однос и коленичењето спрема одредени наши соседи и уважување на сите нивните барања, на сметка на интересите на Македонија, е антидржавна политика која ја има и во статутот на СДС. Филипче, Заев ја промовираат ваквата политика преку ПР стратегијата контролирана од нивниот пријател Башановиќ и со тоа ги предаваат и партиските и националните интереси, кои се штетни и за државата и за македонскиот народ“, велат од ВМРО-ДПМНЕ.
Во соопштението се наведува дека ваквиот пристап ја довел партијата во ќорсокак и ја претворил во „прокси партија“, која, според ВМРО-ДПМНЕ, работи спротивно на државните интереси.
Од ВМРО-ДПМНЕ оценуваат дека поради овие политики рејтингот на СДСМ и на Филипче е значително намален и дека партијата не извлекла поука од изборните порази.
Партијата додава дека СДСМ продолжува да делува антидржавно, и покрај, како што велат, пораките што ги добила од граѓаните на изборите.
Текстот ВМРО-ДПМНЕ со критики за СДСМ и Филипче дека водат андидржавна политика е превземен од МАКФАКС.
Би можело да ве интересира
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
Без струја делови од општините Илинден, Чучер Сандево и Ѓорче Петров
Измените на изборните правила се брутален напад врз демократијата, смета Демократскиот сојуз
Подготовките за пописот се интензивираат
Премиерот Зaев денеска ќе се вакцинира
Приведени две лица од Врапчишта, затворен угостителски објект
