пред 3 години Претседателот на Владата на Република Северна Македонија Димитар Ковачевски на маргините на Економскиот форум Делфи во Атина, се сретна со поранешниот премиер на Грција и лидер на „Сириза“, Алексис Ципрас.
Во срдечна и пријателска атмосфера, Ковачевски и Ципрас на средбата се согласија дека четири години од потпишувањето на Договорот од Преспа тој сѐ уште ги остварува придобивките со кои се реши тридеценискиот спор и со кој се воспостави стратешко пријателство меѓу Северна Македонија и Грција, се обезбеди членството на нашата земја во НАТО и се донесе одлуката за безусловен почеток на преговорите за членство во ЕУ.
Големите и далекувидни пораки што во себе ги носи Договорот од Преспа, споделија Ковачевски и Ципрас, со своето значење, особено денес од перспектива на војната во Украина и безбедносната криза во Европа, обезбедуваат основа за забрзување на евроинтеграцијата на Северна Македонија и за Западен Балкан.
На средбата беше констатирано дека спроведувањето на одредбите од договорот оди со добра динамика и дека како спогодба која обезбеди вин-вин решение за двете земји овозможува отворена и постојана комуникација меѓу Скопје и Атина во интерес на просперитетот и граѓаните на двете земји.
Би можело да ве интересира
98 казни за брзо возење на автопат Куманово – Скопје – Велес
МНР за македонскиот јазик во ОН: Нема индиции што одат во прилог на објавените шпекулации
Град Скопје и Комунална хигиена со апел да престане палењето и уништувањето на контејнерите
Ангеловска-Бежоска и Ангелов: Економската активност во првата половина од годината се совпаѓа со проекциите на Народната банка
Државниот врв апелира на одговорно празнување на Велигден поради пандемијата
Прекин на сообраќајот во близина на браната Калиманци
