Контроли во казина и угостителски објекти во Карпош и Кисела Вода

На 27/28 март 2026 во периодот од 20:00 часот до 03:00 часот, на подрачјето на општина Карпош и Кисела Вода полициски службеници од СВР Скопје извршија контроли во повеќе угостителски објекти и казина и презедоа повеќе мерки за одржување на стабилна безбедносна состојба.

Како што соопштија од МВР, на подрачјето на општина Карпош беа извршени контроли во шест угостителски објекти, две казина и други објекти и притоа од слобода беше лишено едно лице за поседување дрога, три беа приведени за утврдување на идентитет, беше преземена една мерка по Законот за прекршоците против јавниот ред и мир, беа преземени 37 мерки по Законот за безбедност на сообраќајот на патиштата, а две возила беа подигнати со специјално возило „пајак“.

Додека, пак на подрачјето на општина Кисела Вода, се додава, полициски службеници и инспектори од Државниот пазарен инспекторат извршија контроли во седум казина и седум угостителски објекти. Во шест казина констатирани се прекршоци од Закон за пушење, Закон за лична карта како и Закон за приватно обезбедување, а кај еден угостителски објект е констатирано дека нема одобрение за летна тераса, а кај еден угостителски објект е констатиран прекршок за пречекорено работно време.

За сите прекршоци изречени се соодветни санкции, наведуваат од МВР.

Текстот Контроли во казина и угостителски објекти во Карпош и Кисела Вода е превземен од МАКФАКС.