пред 3 години Претседателот Стево Пендаровски денеска ја прими Мариа Вирџиниа Мендес да Силва Пина, амбасадорка на Португалија во Република Северна Македонија.
На средбата беше констатирано дека односите меѓу двете држави се пријателски и беше изразено очекување за нивно натамошно унапредување, збогатување на договорно-правната рамка, како и за развој на билатералниот политички дијалог на високо и највисоко ниво.
Претседателот Пендаровски ги поздрави напорите на португалското претседателство за одржување во фокус на дебатата за проширување на Европската Унија и притоа се заблагодари за професионалниот пристап на Лисабон во изработката на предлогот за надминување на билатералниот спор меѓу Северна Македонија и Бугарија.
Соговорниците размениле мислења за актуелните состојби во пресрет на претстојните Самити на Европската Унија, при што било нагласено дека Република Северна Македонија ги исполни барањата и заслужува неодложно да ги започне преговорите за членство во Европската Унија.
Би можело да ве интересира
ГРОМ бара владата да донесе одлука за забрана на извоз на жито и житни култури
Скопјанец осомничен за две тешки кражби
Името Северна Македонија е реалност под која функционира државата, вели Мицкоски
(Видео) 24 лица ја прекршиле забраната за движење, 548 лица немале маски
За викенд студено со сончеви периоди и врнежи од снег
Шилегов: Македонскиот народ успеа да се избори за слободата благодарение на храбрите херои
