Почина уште еден повреден во пожарот во Кочани, кој се лекуваше во Белград

Министерството за здравство информира дека во согласност со информациите од Воено медицинската академија во Белград, денеска претпладне, за жал, на повредите им подлегна Стојанче Стефанов од Кочани, роден 2001 година.

Станува збор за пациент, кој од првиот ден, во согласност со извршената првична тријажа од медицинските тимови, веднаш е упатен на лекување на Воено-медицинската академија во Белград и кој беше интубиран и во критична состојба во изминатиот месец.
Станува збор за пациент со 27 отсто зафатеност со изгореници и сериозни повреди од вдишување чад.

На ВМА е опериран на 4 април и поставен на ЕКМО-апарат преку кој се оксигенира крвта преку машина поради вдишаниот чад. Но, поради сериозноста на повредите, тој поголем дел од хоспитализацијата бил нестабилен и во тешка општа состојба.

Министерството за здравство изразува најдлабоко сочувство до фамилијата и до сите засегнати од трагедијата во Кочани.

Текстот Почина уште еден повреден во пожарот во Кочани, кој се лекуваше во Белград е превземен од МАКФАКС.