Пронајдени оружје и дрога при претрес во Скопје

Денеска од страна на полициски службеници од Одделот за криминалистичка полиција, Сектор за недозволена трговија со дрога, оружје и опасни материи и СВР Скопје- Единица за недозволена трговија, по претходно добиена судска наредба за претрес на дом и други простории, извршија претрес кај Т.Ч. (38) од Скопје.

var ai_block_div = document.getElementsByClassName (‘ai-viewports’); ai_insert_code (ai_block_div [ai_block_div.length – 1]);

При претресот според полицијата биле пронајдени пиштол марка „берета“, пиштол марка „гризли“, 20 куршуми кал.6,35, сигнален пиштол со муниција за истиот и воздушна пушка, кои лицето ги поседувало без дозволи.

Исто така, за време на претресот биле пронајдени и една грутка и една паковка со бела прашкаста материја и вага со остатоци од бела прашкаста материја.

Т.Ч. е лишен од слобода и против него ќе биде поднесена кривична пријава до надлежното ОЈО, соопшти полицијата.