пред 4 часа Министерот за надворешни работи и надворешна трговија, Тимчо Муцунски, денеска престојува во работна посета на Париз. Во рамки на посетата, ќе оствари средби со министерот за Европа на Француската Република, Бенџамин Адад, како и со Бертран Бушвалтер, советник за континентална Европа и Турција на претседателот на Француската Република, Емануел Макрон.
Во фокусот на разговорите ќе бидат натамошното унапредување на билатералните односи, реафирмирањето на француската поддршка за евроинтегративниот процес на нашата држава, како и размена на мислења за актуелни регионални, европски и глобални прашања, извести Министерството.
Во рамки на посетата, предвидена е и средба со Жером Филипини, директор на Националниот институт за јавни служби на Француската Република (INSP), при што ќе биде потпишана Декларација за намери помеѓу Министерството за надворешни работи и надворешна трговија на Република Северна Македонија и Националниот институт за јавни служби на Француската Република.
Текстот Работна посета на министерот Муцунски на Француската Република е превземен од МАКФАКС.
Би можело да ве интересира
Ѓорѓиевски најавува враќање на празничниот дух, на 15 декември почнуваат настаните на плоштад „Македонија“
Без струја делови од општините Илинден, Чучер Сандево и Ѓорче Петров
Измените на изборните правила се брутален напад врз демократијата, смета Демократскиот сојуз
Подготовките за пописот се интензивираат
Премиерот Зaев денеска ќе се вакцинира
Приведени две лица од Врапчишта, затворен угостителски објект
