пред 3 години Режимската и насилничката матрица на ВМРО-ДПМНЕ денеска ескалира на седницата на собраниската Комисија за образование наука и спорт, oбвинуваат од СДСМ.
Од владејачката партија велат дека биле упатени навреди, закани и обиди за физички напади.
„Пратеници на ВМРО-ДПМНЕ се обидоа да ја болкираат седницата на Комисијата, да ги блокираат измените и дополнувањата на Законот за наставниците и стручните соработници во основните и средните училишта и Законот за бирото за развој на образованието“, се наведува во партиската реакција.
Во неа се додава дека пратениците на ВМРО-ДПМНЕ се против тоа над 4.700 наставници и стручни соработници во образованието да добијат трајно вработување, што се подготвени, како што велат од СДСМ, и со насилство да го блокираат носењето на овие закони.
Но, од партијата на власт исто така порачуваат дека пратениците на ВМРО-ДПМНЕ се лажат дека со навреди, клевети, закани и насилство ќе успеат да ги спречат реформите во интерес на граѓаните.
Би можело да ве интересира
Утре облачно и студено со локални врнежи од дожд а на планините снег
17-годишно момче загина во сообраќајка на патот Охрид – Кичево, автомобилот го управувал негов врсник
Генерал-потполковник Васко Ѓурчиновски во посета на вооружените сили на Турција
Санација на депонијата Русино од март
Заев: Горанците се одговорни и лојални граѓани и треба поактивно да бидат вклучени во државните активности
(Видео) Протестите на тутунарите ставени во мирување, следниот петок повторно состанок
