Становите што државата ги гради во Битола ќе се продаваат за 1.000 евра за квадрат

На денешната владина седница донесена е одлука со која становите што ги гради Јавното претпријатие за станбен и деловен простор во Битола ќе се продаваат по реални цени, информира вицепремиерот и министер за транспорт, Александар Николоски.

„65 стана ќе се продаваат за 1.000 евра за квадратен метар. 11 дуќани по 2.000 евра за квадратен метар . 71 паркинг-место по 500 евра за квадратен метар“, соопшти Николоски.

Со тоа, како што рече, Владата врши интервенција во пазарот за недвижности во Битола и запирање на лудилото со зголемувањето на цените на становите.

Министерот очекува исти или слични активности и во други општини во периодот што следува.

Текстот Становите што државата ги гради во Битола ќе се продаваат за 1.000 евра за квадрат е превземен од МАКФАКС.