Тепачка во уште еден скопски локал, групите извадиле и оружје

Полицијата соопшти за уште еден инцидент што се случил вчера во кафуле, овојпат, во населбата Скопје Север, на улицата Босна и Херцеговина, каде дошло до физичка пресметка помеѓу две групи на гости.

По тепачката од огнено оружје биле испукани неколку куршуми, соопшти МВР.

Извршен е увид на местото на настанот при што пронајдени и подигнати се две чаури и еден фрагмет од проектил.

Од МВР засега нема повеќе детали, освен дека полицијата презема мерки за расчистување на случајот.

Вчера дојде до тепачка во скопското кафуле „Трибека“, по што беа приведени 5 лица, а локалот беше демолиран.