Тешко повредена жена на електричен тротинет, во неа удрил автомобил

Четириесет и петгодишна жена која управувала електричен тротинет е тешко повредена откако во неа удрил автомобил во Аеродром.

Според информациите на МВР, несреќата се случила вчера во 16:45 часот на крстосницата од бул. Јане Сандански и ул.23 Октомври кога автомобил „цитроен“, управуван од Н.Т.(24) од Скопје, удрил во електричен тротинет, управуван од М.Д.Ј.(45) од Скопје.

Во незгодата М.Д.Ј. се здобила со тешки телесни повреди, констатирани во Градската општа болница „Св.Наум Охридски“.

Извршен бил увид на местото на незгодата од увидна екипа од СВР Скопје.