„Арда Ѓулер е жртва на мобинг од страна на неговите соиграчи“

Серхат Пекмезчи, фудбалскиот ментор на Арда Ѓулер, во интервју за турските медиуми, го обвини Реал Мадрид, со тврдењето дека младиот турски фудбалер страда од мобинг од страна на неговите соиграчи. Пекмезчи, човекот одговорен за развојот на Ѓулер во Фенербахче, додаде дека очекувал да се случи такво нешто.

„Иако Реал Мадрид е мегаклуб, Арда Ѓулер страда од мобинг. Тој не ми се пожали, но знаев дека ќе се случи. Му реков да биде трпелив. Злоупотребата доаѓаше од играчите. Таму има група која не можеше да го прифати Арда. За жал, станува збор за играчи со многу големо его. Тој е многу трпелив, но почна да протестира“, рече тренерот кој работеше со Ѓулер во неговите рани години.

Менторот на Ѓулер тврди дека токсичноста на соблекувалната на Реал Мадрид го спречила доаѓањето на Јирген Клоп и го забрзала заминувањето на Чаби Алонсо.

„Клоп веќе рече дека некои играчи мора да си заминат за да дојде тој. Затоа си замина Чаби Алонсо.“

Ѓулер пристигна во Реал Мадрид во летото 2024 година, во трансфер кој официјално вреди 20 милиони евра. Веднаш беше обележан како играч кој ќе има голема улога во иднина, како плејмејкер кој ќе го наследи Лука Модриќ.

Оваа сезона, тој одигра 35 натпревари за Реал, постигна три гола и забележа 12 асистенции. Неговиот вкупен учинок во Реал е 12 гола и 23 асистенции во 96 одиграни натпревари.

Foto/ depositphotos