Баркола се договорил со Ливерпул, сега клубот треба да се договори со ПСЖ

Напаѓачот на Пари Сен Жермен, Бредли Баркола (23), постигнал усмен договор со Ливерпул за евентуален трансфер на „Енфилд“ ова лето, објавува францускиот весник „Лекип“.

Весникот додава дека играчот веќе разговарал со клубот, па дури и со менаџерот на англискиот тим, Андони Ираола. И покрај овој важен чекор, трансферот е далеку од реализација.

Баркола веќе одлучил да не го обнови договорот со Пари Сен Жермен, кој истекува во јуни 2028 година, и се согласил на трансфер во англиските клуб.

Баркола сега очекува двата клуба да постигнат договор, што би му овозможило да се пресели во Премиер лигата.

Во Франција се тврди дека веќе започнале разговори меѓу раководството на Ливерпул и парижаните, чиј спортски советник е Португалецот Луис Кампос.

Англичаните се подготвени да дадат 100 милиони евра отштета, но ПСЖ за крилниот напаѓач бара неверојатни 170 милиони евра.

Баркола беше донесен од Лион за 45 милиони евра во 2023 година и беше дел од тимот на Пари Сен Жермен кој ја освои Лигата на шампионите во последните две години, како и три титули во француското првенство.

Сепак, тој е далеку од главен напаѓач на клубот, бидејќи е зад Дезире Ду, Усман Дембеле и Хвича Кварацхелија во напаѓачката линија. На 159 настапи за клубот, тој постигна 39 гола.

Foto/ Depositphotos