Брендон Милер го доби најголемиот договор по Вембањама

Шарлот Хорнетс решија да се движат по друга насока, потврда за новиот курс на франшизата е договорот што му го дадоа на Брендон Милер. Младиот кошаркар се согласи на петгодишно продолжување на договорот за 209 милиони долари, објави Шамс Шаранија. Договорот бил постигнат неколку часа пред истекот на рокот за играчите во неговата драфт класа.

Новиот договор во просек изнесува 41,8 милиони долари годишно и започнува по последната сезона од неговиот руки договор. Со овој договор, Шарлот не дозволи еден од своите најважни играчи да излезе на пазарот како ограничен слободен агент следното лето.

Износот на инвестициите јасно ги покажува очекувањата. Милер доби 9 милиони долари повеќе отколку што Детроит плати за петгодишен договор со Џејлен Дурен, и еден милион долари повеќе од продолжувањето на Амен Томпсон во Хјустон. Пред Милер се наоѓа само Виктор Вембањама.

Можноста за уште поголема улога му се отвори кога Ламело Бол замина за Минесота. Со тој потег, Хорнетс дополнително ја префрлија одговорноста за следната фаза од развојот на Милер и Кон Кнупел, од кои очекуваат да станат лидери на поконкурентен тим. Новиот договор е финансиска потврда за таа решителност.

Милер ја има најдобрата сезона во својата кариера досега. Во 65 натпревари, тој имаше просек од 20,2 поени, 4,9 скока и 3,3 асистенции, заедно со рекордни 204 тројки. Резултатите на Шарлот со и без него е особено впечатлив. Хорнетс имаа скор од 41-24 кога играше Милер, додека без него имаа 3-14.

По втората година во која повредата на десниот зглоб го ограничи на само 27 настапи, тој повторно покажа зошто беше избран како втор пик во 2023 година, зад Виктор Вембањама.

Здравјето останува едно од најважните прашања. Тој имаше операција на левото рамо во текот на летото, но е подготвен за новата сезона, која Шарлот ја отвора со гостување во Бруклин.

Foto/ Depositphotos