(Видео) Кошмарна ноќ за голманот Кински на „Метрополитано“ – Атлетико со пет гола го почести Тотенхем

Фудбалерите на Атлетико Мадрид го победија Тотенхем со 5:2 (4:1) во првиот натпревар од осминафиналето на Лигата на шампионите.

Овој натпревар, без сомнение, беше историски поради неверојатните грешки на голамнот на Тотенхем, Кински и четирите голови што ги постигна Атлетико во првите 22 минути.

22-годишниот Кински, со одлука на тренерот Тудор, беше стартер и дебитант во Лигата на шампионите, но направи две ужасни грешки и беше заменет во 17-та минута. Во солзи го напушти теренот и веднаш замина во соблекувалната.

Во 5-та минута, тој ја подари топката пред својот гол, по што Маркос Љоренте му донесе предност на Атлетико.

Потоа, во 14-тата минута, Ван де Вен се лизна, а Антоан Гризман го искористи тоа за да зголеми на 2:0, а една минута подцна Кински ја ја промаши целата топка и да му дозволи на Хулијан Алварез да влезе со неа во голот.

Тоа не беше крајот на зоната на самракот на Тотенхем, 4:0 беше во 22-та минута кога Робин Ле Норман постигна гол.

Некаква надеж донесе Педро Поро со гол за 4:1, а Кристијан Ромеро можеше да ја преполови разликата ако ја погодеше мрежата наместо стативата.

Облак беше тој што одигра голема улога во второто полувреме, и на добар и на лош начин.

Прво, во 55-та минута, му одбрани зицер на Ришарлисон, следеше перфектна асистенција на Гризман за Алварез, кој претрша 50 метри и го постигна петтиот гол.

Сепак, Облак направи голема грешка во 76-та минута, како и неговиот колега од другата страна Кински, му ја подари топката на Педро Поро, кој му асистираше на Доминик Соланке за конечни 5:2.

Тој момент повторно им даде надеж на Англичаните дека можат да направат сензационален пресврт дома за осум дена. Единственото прашање е во каква ментална состојба се по сè што се случи вечерва на „Метрополитано“.

Foto/ EPA