(Видео) Синот на поранешен соиграч му пријде на Меси – „Играше со мојот татко, ме паметиш?

Аргентинската репрезентација, актуелен светски шампион, ги заврши подготовките за Светското првенство со убедлива победа од 3:0 против Исланд во Обурн. По натпреварот, вниманието го привлече средбата меѓу Лионел Меси и синот на неговиот поранешен соиграч од Барселона, Еидур Гудјонсен.

Исландскиот репрезентативец Даниел Тристан Гудјонсен му пришол на аргентинскиот ас и го потсетил на нивното старо познанство.

„Ми рече: ‘Здраво, играше со мојот татко.’ Потоа ме праша дали се сеќавам на него. Искрено, се изненадив бидејќи не го препознав веднаш. Беше навистина мал кога се запознавме“, изјави Меси.

La sorpresa de Leo Messi al enterarse que jugó contra 𝐞𝐥 𝐡𝐢𝐣𝐨 𝐝𝐞 𝐬𝐮 𝐞𝐱𝐜𝐨𝐦𝐩𝐚𝐧̃𝐞𝐫𝐨 Eiður Gudjohnsen.#LaCasaDelFútbol pic.twitter.com/u3KaT0nlj1

— Movistar Plus Deportes (@MPlusDeportes) June 10, 2026

По краткиот разговор, двајцата фудбалери се прегрнале и се фотографирале.

Даниел Гудјонсен, исто како и неговиот татко, поминал низ младинската академија на Барселона. Во моментов настапува за Малме и е член на исландската репрезентација.

Неговиот татко Еидур Гудјонсен ја делеше соблекувалницата со Меси во Барселона од 2006 до 2009 година. Исландскиот напаѓач одигра 114 натпревари и постигна 19 голови за каталонскиот клуб, токму во периодот кога почна блескавиот подем на Меси кон статусот на еден од најголемите фудбалери во историјата.

Гудјонсен во моментов работи како тренер, а во текот на кариерата настапуваше за ПСВ Ајндховен, Болтон, Челси, Барселона, Монако, Тотенхем, Стоук Сити, Фулам, АЕК, Серкл Бриж, Клуб Бриж и Молде. Играчката кариера ја заврши во 2017 година.

Аргентина одбраната на светската титула ќе ја започне на 17 јуни со натпревар против Алжир.