пред 12 часа Спектакуларен натпревар, во четвртото коло во групата А1 А, во Лигата на нации одиграа Полска и Хрватска. На националниот стадион во Варшава немаше победник, беше 3:3.
Полјаците поведоа веќе во петтата минута со голот на Пјотр Зелински, а потоа следеше силен одговор на Хрватите. Во периодот од 19. до 26. минута Хрватска постигна дури три гола, стрелци беа Борна Соса, Петар Сучиќ и Мартин Батурина.
Полјаците во последната минута од првото полувреме преку Никола Жалевски намалија на 2:3, а израмнија во 68. минута кога Себастијан Шимански ја затресе мрежата на гостите.
На 15 минути до крајот Хрватска остана со играч помалку поради исклучувањето на голманот Доминик Ливаковиќ, но успеа да спаси барем бод.
Во вториот натпревар од истата група, Шкотска и Португалија ремизираа без голови, 0:0.
Во групата 4, актуелните европски шампиони, Шпанците лесно се справија со Србија. Во Кордоба Шпанија победи со 3:0.
Шпанците победата ја најавија во петтата минута кога мрежата на Рајковиќ ка погоди Лапорт. Во второто полувреме Мората не реализираше пенал, неговиот удар заврши над голот.
Но, капитенот на Шпанците погоди во 66.минута, а конечните 3:0 ги постави Баена од слободен удар.
Швајцарија и Данска во Сент Гален ремизираа 2:2.
Домашниот тим во два наврати имаше водство, но на крајот мораше да се задоволи со првиот освоен бод во групата.
Швајцарците поведеоа во 26. минута со голот на Фројлер, а Данска израмни само минута подоцна преку Густав Исаксон.
Напаѓачот Зеки Амдуни им донесе нова предност на домаќините, која ја поништи Кристијан Ериксен.
Би можело да ве интересира
Роналдо се расплака: „Не сум промашил пенал цела година, но…“
Огромна е разликата во платите на возачите во Ф1
Откупната клаузула ги кочи преговорите за новиот договор на Фернандеш
Маките на Зидан пред дуелите со Ливерпул и Барселона
Хрватите со колапс против Франција
Е ова е најголемиот фраер меѓу голманите!
