Гимараеш официјално е играч на Арсенал

Бразилецот Бруно Гимараеш е нов играч на Арсенал, објави англискиот шампион. Фудбалерот од средниот ред им се придружи на „Топџиите“ од Њукасл. Арсенал за овој трансфер издвои 87,5 милиони евра.

Гимараеш (28) ја започна својата професионална кариера во 2015 година во бразилскиот Аудакс, а две години подоцна се пресели во Атлетико Параненсе. Со тој клуб освои четири трофеи и се стекна со статус на еден од најталентираните бразилски играчи од средниот ред.

Во јануари 2020 година се пресели во Олимпик Лион. Во текот на две сезони во француската Лига 1, тој дополнително изгради репутација како еден од најдобрите млади играчи од средниот ред во Европа.

Њукасл го ангажираше во јануари 2022 година, а за клубот од „Сент Џејмс Парк“, одигра речиси 200 натпревари во текот на четири и пол сезони.

Со Њукасл го освои Лига купот во 2025 година, додека клубот се квалификуваше за Лигата на шампионите во две сезони за време на неговиот мандат.

Гимареш е стандарден репрезентативец на Бразил и досега има 48 настапи за националниот тим.

Настапуваше на Светското првенство и Копа Америка, додека со олимпискиот тим на Бразил освои златен медал на Олимписките игри во Токио во 2021 година, кои се одржаа една година подоцна поради пандемијата.

Спортскиот директор на Арсенал, Андреа Берта, нагласи дека Гимареш ќе донесе квалитет и лидерски вештини во тимот.

„Бруно е играч со одличен менталитет и голем квалитет. Тој ќе донесе силно лидерство во нашиот тим. Со неговото доаѓање, дополнително го зајакнуваме срцето на нашиот тим“, рече Берта.

Гимареш и во Арсенал ќе го носи дресот со број 39.

Foto/ Depositphotos