„Добро е што Јунајтед го продаде Гарначо“

Поранешниот шеф на академијата на Манчестер Јунајтед, Ники Бат (51), го критикуваше ставот на Алехандро Гарначо (21), аргентинскиот крилен играч кој минатото лето се пресели во Челзи за 45 милиони евра.

Бат, кој го следеше развојот на Гарначо, тврди дека младиот играч „прерано полетал“ откако се пробил во првиот тим на „Црвените ѓаволи“. Поранешниот играч од средниот ред верува дека Гарначо тешко се справувал со очекувањата и дека неговиот менталитет не бил во согласност со стандардите на клубот.

Бат, легендарен играч на Јунајтед, зборуваше за своето искуство со Гарначо, нагласувајќи дека менталната сила е клучна за успехот на младите играчи. Според него, однесувањето на аргентинскиот фудбалер не одговарало на она што се очекува од играчите кои штотуку се пробиваат на највисоко ниво.

„Го потпишавме на 16-годишна возраст (од Атлетико Мадрид), додека јас бев шеф на академијата. Гарначо секогаш беше малку дистанциран и имаше високо мислење за себе“, се присети Бат.

„Мислев дека има одредена дрскост во себе. Но, кога влезе во првиот тим, ќе бидам искрен, бидејќи бев таму, се „летна“. Премногу брзо доби статус на суперѕвезда. Не го велам ова како поранешен играч кој се жали дека денешните играчи се преплатени, всушност, се надевам дека младите момци ќе заработат милиони. Но, тој го доби тој статус премногу брзо, а потоа, се разбира, го постигна тој феноменален гол со ножички“, рече Бат.

„Некој во клубот требаше да го спушти на земја, баш во тој период. Можеби некој и го направил тоа, но тој го игнорирал. Но, најдоброто нешто што го направи Јунајтед беше да го продаде. Затоа што, заборавете на неговата способност, а не мислам дека е толку одличен во секој случај, неговиот став во Манчестер Јунајтед беше срамотен. Уште поважно, ако си заминете со целосно непочитување кон вашите соиграчи и клубот, тогаш тоа е крајот на приказната.“

Гарначо се пресели на „Стемфорд Бриџ“, во летниот преоден рок 2025 година за 45 милиони евра. Сепак, досега не се снаоѓа добро во Западен Лондон и постигна еден гол на 22 настапи во Премиер лигата.

Во финишот на сезоната, гласни се најавите дека Гарначо ќе биде еден од многуте фудбалери што ќе бидат ставени на трансфер листата.

„Трансфермаркт“ ја проценува вредноста на Гарначо на 40 милиони евра.

Foto/ Depositphotos